Vir my volk. Vir my taal. Vir my God.

Ons was die afgelope week na die Ghoema toekennings. Dit was vir baie lank een van my emmer lysie goed om af te merk.

Tot my groot teleurstelling. Die oggend voor ons die middag sou ry sien ek die nuus op sosiale media. ONREG teen my taal en kultuur omdat ‘n gekaapte staat en uitsendingstasie (MultiChoice) besluit dat die lied “Die land” onttrek moet word. Ek wonder of ek moet gaan…

Ons gaan toe.

Ook vroër die week of dalk verlede week is twee kerk geboue gevandaliseer en geplunder. My geloof word betrek.

By die funksie (Ghoemas AKA Ghoeptas) kan ons sien die auditorium is leeg. Die gehoor se gemoedere is laag en die man wat hul opgewonde moet kry doen sy bes, maar kry die minimum reaksie uit die gehoor. Hulle klap en juig net as hul aangesê word om dit te doen.

Gedurende die verrigtinge lewer ‘n vrou ‘n toespraak en noem dat hul lief is vir Afrikaans en sal veg vir Afrikaans. Waarteenoor iemand uit die gehoor skree: “Julle haat Afrikaans. Julle baklei teen Afrikaans. Julle haat dit!” Ek kon die moedeloosheid in die man se stem hoor.

Daarna kom Demi-lee se toespraak waarin sy noem dat die toekenning aan die skrywer en musiek video maker van “Die land” behoort en dat sy dit deel met die 5 kunstenaars wat nie die aand daar is nie.

Toe kom André Schwarts se toespraak oor ons taal. Sy is ons moeder taal. Ons moet haar sag en liefdevol behandel. Nie rondgooi vir politieke gewin nie.

Nader aan die einde van die aand word die beste manlike kunstenaar aangewys waarna ‘n kind uit die gehoor skree: “Steve Hofmeyer!” Uit die mond van die suigeling sou ek sê.

My geloof word ook aan geraak omdat ons op die rand van ‘n afgrond staan waar my God uit skole en troues en publiek uit verwyder word.

My volk. My kultuur. My taal. My land. My God.

Ons as Afrikaner neem ons land saam ons oral waar ons gaan. Ons besit die vermoë om ander aan ons taal en kultuur bekend te stel.

Jy as Afrikaner wat in Suid Afrika is of selfs oorsee bly of op pad is, dit is ons verantwoordelikheid om ons taal, ons kultuur ons menswees aan die wêreld bekend te stel.

Lank genoeg het ons weggekruip. Lank genoeg gefluister oor die stille oorlog wat ons voer. Lank genoeg terug gestaan terwyl ons geskiedenis in flamme opgaan.

Praat jou taal. Leer jou kinders, klein kinders en agter kleinkinders JOU taal. Skryf jou taal. Lees jou taal. Eet slaap wéés jou taal. Loof God in jou taal. Deel jou taal.

Ons taal is in ons Suid Afrika gebore met die potensiaal om die wêreld te impakteer.

Vir my volk. Vir my land. Vir my God.

Ons vir jou Suid Afrika.

N.s.

Hier is ‘n skakel na ons lied. Die land. Deel dit wyd.

6 thoughts on “Vir my volk. Vir my taal. Vir my God.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s