Pouse op Rebus.

Hierdie hoofstuk vorm deel van die Towerinne se avonture. Ons is die hoofkarakters in ons eie vervolgverhale (natuurlik) en ons fantasie stories is vir ander ondenkbaar, ondoenbaar en  onverklaarbaar. 
As jy die verhaal wil volg, moet jy op die onderstaande skakel kliek om die hoofstukke te lees. Na myne sal daar gereeld nuwe hoofstukke bygevoeg word. Totdat ‘n ander fantasie ons aandag vereis. Dan begin ‘n nuwe vervolgverhaal, ek bedoel avontuur.
Lees die ander bloggers se bydraes by ons InLinkz-skakel https://fresh.inlinkz.com/party/942da9e9f0524c6b982439c66cceced1?visitor3

Hier op Rebus is alles nuut en skoon. Hier kan ons wawiele en bollemakiesie slaan na hartelus. Hier op Rebus kan ons pouse hou!

Ek weet nie wanneer en hoe ek op Rebus beland het nie, maar ek kan jou beslis sê dat Rebus my al ‘n paar keer uit die malhuis gehou het ja. My Towerin vriendinne het my ingenooi. Sovêr ek weet is ek die jongste tussen almal wat elke dag nuwe dinge leer van ma wees, vrou wees en steeds kind wees. Ek is eintlik in die fleur van my lewe wat ook beteken die besigste tyd. Daarom lê my Towerin vriendinne my so na aan die hart en is elkeen se uniekheid wat hul in my lewe toevoeg meer werd as edelgesteentes.

Ons Rebus is gesanitiseer en het ek toe sommer saam dit besluit om dan my eie huisie ook oor te maak. Ek het hom plat gesloop! Als was weg. Toe swaai ek my towerstaf en siedaar! ‘n Splinternuwe huis op Rebus.

Hierdie huis lyk klein maar almal kan gemaklik hier inpas.

Die sitkamer is snoesig. Het ‘n kaggel en die klip pas automaties aan by die weer sodat ons nooit te warm of te koud kry nie.

Daar is meer as genoeg slaap plek vir al my Towerin vriendinne. Ons laaik mos van bymekaar wees.

‘n Sauna om jou kop en hart skoon te kry. Hier kan ons net sit en als uit sweet. Dit is nodig.

En ‘n enorme kombuis, want ek het geleer lekker kos maak en wanneer ons saam eet bring dit ons selfs nader aan mekaar.

My huis se naam is Pouse. Hier kan ons pouse hou so lank ons wil net wanneer ons wil. Wanneer ek nie hier is nie is enigeen welkom. Kom in. Die yskas is altyd vol. Die boekrak ook. Die Sauna gereed. Die beddens sag en snoesig. Maak jouself tuis, maar hou dit asseblief skoon. 😄

Hier is ook inspirasie feëtjies wat hier bly so as jou skrywersblok inklok, klop aan my deur, hulle sal jou help dink.

Toodles!

12 thoughts on “Pouse op Rebus.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s